لاہور(سپورٹس رپورٹر)پاکستان فٹبال فیڈریشن کے زیر اہتمام کھیلے جانے والے نیشنل چیلنج کپ کے افتتاحی روز کے آر ایل ، نیوی اور پاک افغان چمن نے اپنے اپنے میچز میں کامیابی حاصل کر لی۔ کے آر ایل نے پی او ایچ واہ ، نیوی نے پولیس اور پاک افغان چمن نے نمسو ایف سی کو شکست دے کر کامیابی سمیٹی۔ کے آر ایل نے پی او ایچ واہ کو 0-7سے ہرایا ،۔معین نے ہیٹ ٹرک سکور کی۔ نیوی نے پولیس کیخلاف 0-1سے کامیابی حاصل کی۔ پاک افغان چمن نے نمسو ایف سی کو ایک کے مقابلے میں چھ گول سے شکست دی ، اشرف نے فاتح ٹیم کی طرف سے ہیٹ ٹرک سکور کی۔