آج ملک کے بیشتر میدانی علاقوں میں موسم سرد اور خشک رہے گا

اسلام آباد(خبرنگار)محکمہ موسمیات کے مطابق آج کے روز ملک کے بیشتر میدانی علاقوں میں موسم سرد اور خشک رہے گا۔ تاہم کشمیراور گلگت بلتستان میں مطلع جزوی ابر آلود رہنے کے علاوہ چند مقامات پرہلکی بارش اور پہاڑوں پر برفباری کا امکان ہے گذشتہ 24 گھنٹے کا موسم بالائی خیبرپختونخوا، بالائی پنجاب گلگت بلتستان اور کشمیر میں کہیں کہیں بارش اور پہاڑوں پر برفباری ہوئی۔ ملک کے دیگر علاقوں میں موسم سرد اور خشک رہاسب سے زیادہ بارش(ملی میٹر)خیبر پختونخوا: دیر55، دروش 40، مالم جبہ 36،میر کھانی 25، سیدو شریف 24، کالام 22، چترال 21 ،پنجاب: مری 10، سیالکوٹ ائیر پورٹ 04، سٹی 01، اسلام آبادگولڑہ 04، سید پور، سٹی 03، راولپنڈی چکلالہ ، شمس آباد 02، لاہور سٹی 02، ائیر پورٹ01، اٹک01 ، کشمیر: کوٹلی 07، مظفر آباد ائیر پورٹ 06، سٹی 05، راولاکوٹ 04، گڑھی ڈوپٹہ 01 اورگلگت بلتستان : اسکردو میں 02ملی میٹر ریکارڈ ہوئی۔