لاہور(نیوز رپورٹر) پاکستان کے صف اول کے کنفیکشنری و بیوریج ساز ادارہ، مانڈیلیز پاکستان نے سال 2023 کیلئے ٹاپ ایمپلائیر کا عالمی اعزاز اپنے نام کرلیا ہے۔ انڈسٹری کے بہترین طریقوں پر عمل پیرا ہونے کے نتیجے میں ملازمین کیلئے بہترین کمپنی کلچر اور کام کا مثالی ماحول پیدا کرنے کی بدولت مانڈیلیز پاکستان نے ایک اور اعزاز حاصل کیا ہے۔ مانڈیلیز پاکستان کا بہترین اور قابل ذکر اداروں میں شمار ہوتا ہے۔ یہ عالمی برانڈ دنیا کے 150 سے زائد ممالک میں کاروباری طور پر فعال ہے۔ مانڈیلیز پاکستان کیلئے مقامی سطح پر بھی یہ ایک بڑی اور قابل ذکر کامیابی ہے کیونکہ ایسے کلچر اور ماحول کے فروغ کا نمائندہ ہے جس کے وسیع شعبوں میں ٹیمیں پھلتی پھولتی ہیں۔ مانڈیلیز پاکستان ترقی پسندانہ سوچ، بہترین معیار کے طریقہ کار، پالیسیاں اور کام کرنے کے انداز کے ساتھ اعلیٰ معیار کے ایجنڈے پر عمل درآمد سے متعلق تیاری کیلئے پرعزم ہیں۔
جن پر عمل درآمد کی بدولت ہی ادارے کو یہ قابل ذکر حاصل کرنے میں مدد ملی ہے۔ اس اہم پیش رفت پر مانڈیلیز پاکستان کی پیپل لیڈ، سیدہ خدیجہ خان نے کہامانڈیلیز پاکستان ہمیشہ سے انتہائی بہترین کارکردگی کیلئے سرگرم عمل رہتا ہے اور اپنے ملازمین کیلئے کام کے بہترین ماحول کا خیرمقدم کرتا ہے۔ ان ٹیموں کے اراکین ہی وہ بنیاد ہیں جو اسے بہترین ادارہ بناتے ہیں۔ یہ ہمارے لئے نہایت اعزاز کی بات ہے کہ ہماری کاوشوں کا اعتراف کیا گیا ہے اور اس سے ہمیں موجودہ انفراسٹرکچر میں مزید بہتری لانے کے لئے بھی حوصلہ ملے گا۔ " مانڈیلیز پاکستان متعدد عملی صلاحیتوں میں مہارت کے لئے مسلسل کوشاں ہے اور اس ضمن میں مختلف میدانوں میں اسکی بہترین کاوشوں کا بھی اعتراف کیا گیا ہے۔ مانڈیلیز پاکستان، مکمل طور پر مانڈیلیز انٹرنیشنل کی ذیلی کمپنی ہے ، یہ چاکلیٹ، بسکٹس، گم، کینڈی اور پوڈرڈ مشروبات میں صف اول کا عالمی لیڈر ہے۔ مانڈیلیز پاکستان لمیٹڈ کے پورٹ فولیو میں بنیادی برانڈز جیسے کیڈبری ، ڈیری ملک اور ٹینگ شامل ہیں جو اپنی متعلقہ کٹیگریوں میں قابل ذکر مارکیٹ شیئر کو کنٹرول کرتے ہیں ۔