حافظ آباد(نمائندہ نوائے وقت)  جلالپور کے قریب دو ڈاکووں نے بیوپاریوں کی گاڑی پر فائرنگ کرکے اسکے ٹائربرسٹ کردیئے اور بعدازاں ڈاکو بیوپاری سے 10لاکھ روپے نقدی لوٹ کر فرار ہوگئے۔ تفصیلات کے مطابق محمدامجد سکنہ چنیوٹ رضوان ، پرویز اور شبیر احمد سکنہ چنیوٹ کے ہمراہ شاہ زور ڈال گاڑی پر ٹھٹھہ گاہرہ کی منڈی میں مویشی خریدنے آرہے تھے جب وہ مازکو چوک جلالپور کے قریب پہنچے تو موٹر سائیکل پر سوارڈاکووںنے انہیں گاڑی روکنے کااشارہ کیا جس پر انہوںنے گاڑی نہ روکی توڈاکووںنے فائرنگ کرکے گاڑی کے ٹائر برسٹ کردیئے اور بعدازاں ڈاکو بیوپاری محمد امجد سے دس لاکھ روپے نقدی لوٹ کر فرار ہوگئے۔