گوجرانولہ: ناقص انتظامات،غیر معیاری آئل اینڈ گھی بنانے والی مل کی پروڈکشن بند 

گوجرانولہ(نمائندہ خصوصی )پنجاب فوڈ اتھارٹی کی ٹیم نے صفائی کے ناقص انتظامات پر غیر معیاری آئل اینڈ گھی بنانے والی مل کی پروڈکشن بند کر دی ، سٹوریج ایریا میں مکڑیوں کے جالے ،کیڑے اور چوہوں کی بھر بھی پائی گئی ، تفصیلات کے مطابق ڈی جی فوڈ اتھارٹی مدثر ریاض ملک نے ٹیم کے ہمراہ جی ٹی روڈ پر واقع آئل اینڈ گھی بنانے والی مل پر چھاپہ مار کاروائی کی ، جہاں سٹوریج ایریا میں منشیات کی موجودگی ، گندا کھڑا پینٹ ، مکڑیوں کے جالے ،کیڑے اور چوہوں کی بھر مار پائی گئی، اسی طرح گندے ٹوٹے فرش پر دھول مٹی کے ساتھ پیکنگ میٹریل رکھا ہوا تھا ، ناقص آئل فلٹر کے استعمال کیساتھ ریکارڈ بھی موجود نہ تھا ، جس پر پنجاب فوڈاتھارٹی کی ٹیم نے سابقہ ہدایات پر عمل نہ کرنے پر یونٹ کی پروڈکشن اصلاح تک بند کر دی ، اس حوالے سے ڈی جی فوڈ اتھارٹی مدثر ریاض ملک کا کہنا تھا کہ شہریوں تک معیاری اور صحت بخش خوراک کی فراہمی ہماری اولین ترجیح ہے۔