سابق وزیراعلٰی پنجاب چوہدری پرویز الٰہی کا کہنا ہے کہ خان صاحب کے ساتھ بیٹھنے والے پارٹی کو لے ڈوبے۔
تفصیلات کے مطابق لاہور میں میڈیا سے گفتگو کرتے ہوئے سابق وزیراعلٰی پنجاب و ق لیگ پنجاب کے صدر چوہدری پرویزالٰہی نے کہا کہ عمران خان کے مشکور ہیں کہ انھوں نے وزیراعلی بنایا۔ دس ایم پی ایز اتنے مبارک ہیں کہ وزیراعلٰی بن گئے۔ ہم نے پانچ ماہ میں پانچ سال کے کام کیے۔چوہدری پرویز الٰہی نے کہا کہ ن لیگ والے بھی چاہتے تھے کہ اسمبلی مدت پوری کرے۔ ن لیگ والوں نے کہا کہ شکرہے اسمبلی توڑدی ورنہ ہمارا کچھ نہیں بنتا۔مسلم لیگ ق پنجاب کے صدرپرویز الٰہی نے کہا کہ عمران خان کو کہا تھا کہ آزمائے ہوئے لوگوں کو دوبارہ نہ آزمائیں۔ میاں اسلم اقبال کے سارے کام ہو رہے ہیں.لاہور کے دیگر کام بند ہیں۔انھوں نے میڈیا سے گفتگو کرتے ہوئے کہا کہ عمران خان کو کہا تھا جب مرضی اسمبلی توڑ دیں۔ عمران خان کو ان لوگوں نے غلط گائیڈ کیا۔ خان صاحب کے ساتھ بیٹھنے والے پارٹی کو لے ڈوبے۔سابق وزیراعلٰی پنجاب نے کہا کہ محسن نقوی عقل کے مارے ہوئے ہیں۔ محسن نقوی کا کام کیس بنانا نہیں الیکشن کرانا ہے۔ انھیں معلوم ہونا چاہیے کہ ڈھائی ماہ کی نوکری ہے، گھر بھی آنا ہے۔ محسن نقوی کوئی اچھا کام کرکے آئیں تاکہ لوگ انھیں یاد رکھیں۔چوہدری پرویزالٰہی نے مذید کہا کہ قائداعظم کے بعد عمران خان ایماندار لیڈر ہیں۔ آئندہ انتخابات عمران خان کے ساتھ ملک کر لڑیں گے۔ اللہ نے اس کے ہر کام میں برکت ڈالی ہے. اب الیکشن کے شیڈول کے لیے زور ڈالیں گے تاکہ رمضان سے پہلے الیکشن ہو جائیں۔