یو سی پی کا 26 واں کانووکیشن:3 فیکلٹیزکے424گریجوایٹس کو اسنادتقسیم

لاہور(لیڈی رپورٹر) یونیورسٹی آف سینٹرل پنجاب کے 26 ویںکانووکیشن کی پروقار تقاریب یو سی پی کیمپس جوہرٹائون میں جاری ہیں۔ چھٹے مرحلے میں فیکلٹی لاء،  فیکلٹی آف انجینئرنگ اور فیکلٹی آف فارما سیوٹیکل سائنسز کے424گریجوایٹس کو اسناد دی گئیں ۔تقریب کی مہمان خصوصی  ساجدہ حیدر ونڈل تھیں۔ علاوہ ازیں پرو ریکٹر،  فیکلٹی ڈینز ، رجسٹرارکے علاوہ ذہین طلباء و طالبات، اساتذہ اورمعزز مہمانان کی بڑی تعداد ان تقاریب میں موجودتھیں۔ اس موقع پر فیکلٹی آف انجینئرنگ کے ٹاپر کو فاسٹ کیبلز کے چیئرمین میجر جنرل (ریٹائرڈ) غلام مصطفی کوثر کی جانب سے ایک لاکھ روپے کا کیش پرائز دیا گیا۔ماہر تعلیم ساجدہ ونڈل نے آج سے ان کی زندگی میں نئے سفر کا آغاز ہوا ہے جو کہ چیلنجز سے بھر پور ہوں گے۔ اختلاف رائے کا احترام کریں اور برادشت کرنا سکھیں۔