نظام مصطفی کے نفاذ کےلئے  قدم اٹھاناہوگا: ذکاءعنایت بھٹی 

فاروق آباد(نمائندہ خصوصی) تحریک لبیک پاکستان کے رہنما و نامزد امیدوار پی پی 144 چودھری ذکاءعنایت بھٹی نے کہا کہ تحریک لبیک پاکستان کے نشان” کرین“ کو ووٹ دےکر ملک میں ترقی کے سفر کا آغاز اولین ترجیح ہے آج ضرورت اس امر کی ہے کہ مفاد پرست سیاست دانوں کا محاسبہ، انفرادی اور برادری ازم کے خول سے نکل کر محمد مصطفی کے نظام کے نفاذ کے لیے قدم اٹھاناہوگا ہے ۔
مسلم لیگ ن نے ہمیشہ ملکی ترقی 
میں بھرپور کردار ادا کیا:نعیم رضامان 
نارنگ منڈی(نمائندہ نوائے وقت) مسلم لیگ ن نے ہمیشہ ملکی ترقی میں بہترین کردار ادا کیا یہی وجہ ہے کہ آج بھی مسلم لیگ ن سب سے بڑی عوامی جماعت ہے 8 فروری کو مسلم لیگ ن کے تمام امیدوار بھاری اکثریت سے کامیاب ہوں گے اور قائد میاں نواز شریف چوتھی بار وزیراعظم پاکستان ہوں گے اور ملک ترقی کی راہ پر دوبارہ کامیاب ہو گا۔ ان خیالات کا اظہار مسلم لیگ ن کے رہنما سابق ممبر ضلع کونسل سردار نعیم رضامان نے چیئرمین ےوتھ ونگ سردار علیم رضامان کے ہمراہ سٹی پریس کلب میں گفتگو کرتے کیا ۔
ن لیگ سیاسی طاقت کا مظاہرہ کرنے میں ناکام ہو چکی:رائے شاہجہان 
 ننکانہ صاحب (نامہ نگار) مسلم لیگ ن جلسہ میں سیاسی طاقت کا مظاہرہ کرنے میں ناکام ہو چکی ، جلسے میں سرکاری ملازمین اور مشینری کابے دریغ استعمال کیا گیا ،سرکاری ملازمین کی ڈیوٹیاں لگائی گئیںان خیالات کا اظہار ڈویژنل صدر پیپلز پارٹی لاہور ڈویژن رائے شاہجہان احمد خاں بھٹی نے صحافیوں سے گفتگو کرتے کیا ۔ انہوں نے کہا کہ سرکاری ٹیچرز سمیت دیگر ملازمین اور سکولوں کے بچوں کوجلسہ گاہ ہاکی گراﺅنڈ میں بلا کر تعداد میں اضافہ کرنے کی ناکام کوشش کی گئی۔
کامیاب ہو کر علاقے کی محرومیوں
 کو ختم کریں گے:یعقوب چہل 
خانقاہ ڈوگراں(نامہ نگار+نمائندہ خصوصی)مرکزی مسلم لیگ کے نامزد امیدوار این اے 116‘ پی پی 144 حاجی یعقوب چہل نے اپنے ووٹروں سپوٹروں کے ہمراہ کمپین تیز کر دی ہے ۔ چھینہ،ٹبی بھاگوکی،اڈا ورکشاپ، رحمن آباد، چادر چک سمیت مختلف دیہات میں سیاسی ملاقاتوں میںنامور شخصیات نے مکمل تعاون کی یقین دہانی کرائی ہے۔ گفتگو کرتے ہوئے اظہر یعقوب چہل کا کہنا تھاکہ دن بدن لوگوں کی محبت نے ہماری کامیابی کے امکان روشن کر دئیے ہیں۔ کامیاب ہو کر علاقے کی محرومیوں کو ختم کرنے میں پورا کردار ادا کریں گے۔
شیخوپورہ: ملک اکرام حسین کا ساتھیوں سمیت خرم شہز ادورک کی حمایت کا اعلان
شیخوپورہ (نامہ نگارخصوصی) سیاسی وسماجی شخصیت و سابق ناظم الحاج ملک محمد بوٹا ڈوگر (مرحوم) کے بھائی و انجمن غلامان مصطفی کے سر پرست اعلیٰ ملک اکرام حسین دمن ڈوگر نے ساتھیوں سمیت تحریک انصاف کے حمایت یافتہ امیدوار این اے 115 سابق صوبائی وزیر قانون خرم شہز ادورک کی حمایت کا اعلان کر دیا ہے سابق ناظم الحاج ملک محمدبوٹا ڈوگر کی اقامت گاہ پر تقریب ہوئی جس میں ملک شہزاد ڈوگر چوہدری غریب عالم ، ملک ندیم سعید ڈوگر ،سیٹھ ظفر اقبال، مرزا افضل بیگ و دیگر موجود تھے۔
نواز شریف قوم کی آخری امید
 ہیں :عرفان اسلام ‘بابر عبداللہ
شیخوپورہ(نمائندہ خصوصی)مسلم لیگ (ن) کے نائب صدر والیکشن انچار ج سیکٹر ون این اے 115 ملک عرفان اسلام اور میاں بابر عبداللہ نے کہا ہے کہ8 فروری کا سورج مسلم لیگ (ن) کی تاریخی کامیابی کا پیغام لے کر طلوع ہو گا اور میاں محمد نواز شریف چوتھی مرتبہ ملک کے وزیراعظم بنیں گے‘ میاںنواز شریف قوم کی آخری امید ہیں۔
 اور وہ اقتدار میں آ کر قوم کی محرومیاں ختم کرینگے۔ ان خیالات کا اظہار انہوں نے گھنگ روڈ ، سٹیڈیم پارک ، اقبال پارک سمیت دیگر علاقوں کے دورہ کے دوران کیا۔