کلرسیداں(نامہ نگار)مقامی ہفت روزہ کے چیف ایڈیٹر عبدالخطیب چوہدری کے سسر غلام کبریا انتقال کر گئے نمازجنازہ واہ کینٹ میں ادا کی گئی جس میں وزیر آزاد کشمیر راجہ محمد صدیق،عاطف ایوب، تحریک بزم رضائے مصطفی کے صدر دانیال رضا،سینئر صحافی زاہد نقیبی،شہزاد رضا،چوہدری اشفاق، راجہ شیراز اختر سمیت واہ کینٹ کی سیاسی و سماجی شخصیات نے بڑی تعداد نے شرکت کی۔ادھر پریس کلب کلرسیداں کا تعزیتی اجلاس زیرصدارت دلنواز فیصل منعقد ہوا جس میں مرحوم کے ایصال ثواب کے لیئے فاتحہ خوانی کی گئی اور چوہدری عبدالخطیب و دیگر پسماندگان سے دلی تعزیت کی گئی۔
 اکرام الحق قریشی سے اظہار تعزیت
گوجر خان (نیوز ڈیسک)سوشل ویلفیئر سوسائٹی موہری کھیتریل کے سابق صدر اور سماجی و سیاسی شخصیت محمد امین راجہ نے ایک تعزیتی بیان میں کلرسیداں کے سینئر صحافی اکرام الحق قریشی کے چچازاد بھائی کی اچانک وفات پر گہرے رنج و عم کا اظہار کرتے ہوے مرحوم کی معفرت کے لئے دعا کی ہے۔
سردار رحمت آج اجتماع سے خطاب کرینگے
سنجوال کینٹ (نامہ نگار)آزاد امیدوار حلقہ پی پی 3سردار رحمت علی خان آج بروز جمعہ بعد نماز عصر محلہ عیدگاہ شکردرہ میں ایک بہت بڑے عوامی جلسہ سے خطاب کریں گے۔
شیخ آفتاب احمدکا جلسہ آج ہوگا
سنجوال کینٹ (نامہ نگار)مسلم لیگ(ن)کے مرکزی رہنما سابق وفاقی وزیر سینئر نائب صدر شیخ آفتاب احمد و دیگر مقررین آج بروزجمعہ دن دو بجے ریلوے گراونڈ اٹک میں ایک بہت بڑے جلسہ سے خطاب کریں گے۔
 مسلم لیگ ن کا شو آف پاورآج ہوگا
چکوال(نامہ نگار)قصبہ میاں مائر میں مسلم لیگ ن کا شو آف پاورآج ہوگا۔ زیلدار فارم ہاو¿س میاں مائر میں مسلم لیگ ن کے حلقہ این اے58کے امیدوار میجر(ر) طاہر اقبال اور پی پی20کے امیدوار چوہدری سلطان حیدر کو بڑے جلوس کی شکل میں جلسہ گاہ میں لایا جائے گا۔،زیلدار ہاﺅس مائر نے اس جلسے کو یادگار بنانے کیلئے تمام انتظامات مکمل کرلیے ہیں ، 2018کے انتخابات میں بھی مسلم لیگ ن نے یہاں سے بھرپور کامیابی حاصل کی تھی۔
حمایت کا اعلان
چکوال(نامہ نگار)چوہدری اصغر علی خان ایڈووکیٹ کی سربراہی میں موضع اوڈھروال میں چوہدری شوکت کہوٹ نے اپنے ڈیرہ پر چوہدری منیر کہوٹ اور لالہ عبداللہ کہوٹ کی موجودگی میں پاکستان پیپلز پارٹی کے امیدوار صوبائی اسمبلی پی پی 20 چوہدری نوشاد علی خان ایڈووکیٹ کی حمایت کا اعلان کردیا ہے،جس پر چوہدری تیمور علی خان ایڈووکیٹ نے خصوصی طور پر فون کرکے شکریہ ادا کیا۔