گوجرانوالہ(نمائندہ خصوصی)ڈسٹرکٹ اکاﺅنٹس آفیسر(1) ضیاءاللہ ناگرہ او ر ڈسٹرکٹ اکاﺅنٹس آفیسر(2)چوہدری مشتا ق احمد اور ڈسٹرکٹ اکاﺅنٹس آفیسر(3 ) چوہدری بابربھٹی نے کہا ہے کہ عمر بھر محنت اورلگن سے کام کرنےوالے ریٹائرڈ ملازمین محکمہ کےلئے تا حیات باعث عزت ہیں،نوکری سے ریٹائرمنٹ ملازمت کا حصہ ہے۔

 مگر ہمارے دروازے آپ کےلئے ہمیشہ کھلے ہیںا ن خیالات کا اظہار انہوں نے اپنی مدت ملازمت پوری کر کے ریٹائر ہونے والے سینئرآڈیٹر مقصود احمد کے اعزاز میں تقریب سے خطاب کرتے کیا، تقریب میں چوہدری عاطف چٹھہ ‘ نثار احمد قادری‘ وقاص خلیل‘ رانا عبداللہ محمد حنظلہ‘ اسجد مراد اوررانا محمد وقار حسن و دیگر عہدیداران اور اکاﺅنٹس آفس کے افسر وںو اہلکاران نے شر کت کی۔