پیرس(نیٹ نیوز) ٹور ڈی فرانس سائیکل ریس کا انیسواں مرحلہ برطانیہ کے مارک کیونڈش نے جیت لیا۔ اسپین کے البرٹوکونٹاڈور کی مجموعی برتری برقرار ہے بورگیون جیلیو سے اوبیناس تک ریس کا انیسواں مرحلہ ایک سو اٹھہتر کلو میٹر پر مشتمل تھا۔ برطانیہ کے مارک کیونڈشن نے شاندار کارکردگی کا مظاہرہ کیا اور تمام حریف رائیڈرز کو پیچھے چھوڑتے ہوئے کامیابی حاصل کی۔ برطانوی سائیکلسٹ نے مقررہ فاصلہ تین گھنٹہ پچاس منٹ اور پینتیس سیکنڈز میں طے کیا۔ ناروے کے تھور ہشوڈ اتنے ہی وقت کے ساتھ دوسرے اور جرمنی کے جیرالڈ کائیولیک تیسرے نمبر پر رہے۔ ریس میں اسپین کے البڑو کونٹاڈور کو مجموعی برتری حاصل ہے۔ سات مرتبہ کے عالمی چیمپئین لانس اسٹرانگ تیسرے نمبر پر ہیں۔