اداکارہ زری فلم ”داستان“ کی عکسبندی میں شرکت کریں گی

لاہور (کلچرل رپورٹر) فلم سٹار زری برطانیہ سے وطن واپس پہنچ گئیں۔ وہ دس روز قبل برطانیہ گئی تھیں۔ انہوں نے بتایا کہ لندن میں میری شوبز کے حوالے سے کچھ مصروفیات تھیں۔ گذشتہ روز واپس پہنچی ہوں اور آج سے اپنی زیرتکمیل فلم ”داستان“ سمیت شوبز کی مصروفیات شروع کر رہی ہوں۔ فلم ”داستان“ میں میرے مدمقابل ہیرو کا کردار معمر رانا ادا کر رہے ہیں۔ اس فلم کا سبجیکٹ بہت اچھا ہے۔ امید ہے کہ یہ فلم کامیاب ہو گی۔