نارنگ منڈی: مخالف کو ووٹ دینے کی رنجش، نانا، نواسہ قتل، علاقے میں خوف و ہراس

نارنگ منڈی ، شیخوپورہ (نامہ نگاران) نواحی علاقہ گھچلی روڈپر چک وڑائچ کے قریب سات افراد نے اندھا دھند فائرنگ کر کے موٹر سائیکل سوار نانا نواسے مظہر علی عرف گوگا اور محمد خالد کو قتل کر دیا۔ اندھا دھند فائرنگ کرتے فرار ہو گئے۔ دہرے قتل کی واردات کے باعث علاقہ بھر میںخوف وہراس پھیل گیا۔ پولیس نے دونوں نعشوںکو قبضہ میں لے کر پوسٹمارٹم کے لئے بھجوا دیا۔ پولیس نے تعاقب کر کے دوملزمان کو اسلحہ سمیت گرفتار کر لیا۔ مقتولین کے ورثاء نے میڈیاکو بتایاکہ بلدیاتی الیکشن میں چیئرمین کے وو ٹ پر مخالف پارٹی کے خلاف ووٹ دینے پر انتخابی رنجش کے باعث سفاک ملزمان نے مظہرعلی عرف گوگا سکنہ مانگٹ اور اس کے نانا محمد خالد سکنہ چکیاں کلاںکواس وقت فائرنگ کرکے ہلاک کر دیا جب وہ نارووال سے واپس گائوں مانگٹ تھانہ واہنڈو جا رہے تھے کہ سفاک ملزمان نے راستہ میں گھات لگاکر فائرنگ کرکے ہلاک کر دیا۔ ملزمان موٹر سائیکلوں پر فرار ہوگئے۔ نارنگ منڈی پولیس نے سات ملزمان شعیب باجوہ، بلال، آفتاب، شرافت علی، فیصل، مقبول احمد، مقصودعرف ننھا کے خلاف مقتول مظہر عرف گوگا کے والدالطاف حسین کی مدعیت میں مقدمہ درج کرکے تفتیش شروع کر دی۔