پیرس(آئی این پی)فرانسیسی پولیس نے ٹور ڈی فرانس سائیکل ریس کے شرکا پر مرچوں کا اسپرے کر دیا،سائیکل ریس کے شرکا اس آفت سے شدید متاثر ہو ئے اور ریس کا یہ مرحلہ رک گیا۔غیر ملکی خبر رساں ایجنسی کے مطابق فرانس میں کسانوں کا حکومت کے خلاف احتجاج جاری تھا وہ احتجاج کرتے ہو ئے ٹورڈی فرانس کے روٹ پر پہنچ گئے اور گھاس کی گانٹھیں راستے میں ڈال دیں ۔رکاوٹوں کے باعث سائیکل ریس ٹور ڈی فرانس کے شرکا ریس سے رک گئے رہی سہی کسر فرانسیسی پولیس نے شیلنگ اور مرچوں کا اسپرے کرکے پوری کر دی ۔