شیخوپورہ،قصور:ٹریفک حادثات میں خاتون سمیت 2افراد جا ن بحق ،6 زخمی

شیخوپورہ+قصور(نمائندہ خصوصی+نمائندہ نوائے وقت)ٹریفک حادثات میں خاتون سمیت 2افراد جا ن بحق ،6افراد زخمی ہو گئے تفصیلات کے خانقاہ ڈوگراں کے علاقہ گائوں چھینہ کے قریب دو موٹرسائیکلوں کے تصادم میں ایک 45سالہ شخص عباس موقع پر جان کی با زی ہار گیا جبکہ اس کا ساتھی شدید زخمی ہوگیا جس کو فوری طور پر قریبی ہسپتال پہنچادیا گیا ۔بیگ پور کے قریب گوجرانوالہ روڈ پر ٹریکٹر ٹرالی الٹ جانے سے پانچ افراد شدید زخمی ہوگئے جن میں دوکی حالت تشویشناک بتائی جاتی ہے۔کوٹ رادھا کشن ہندال روڈ پر ٹریکٹر ٹرالی کا نا معلوم ڈرائیور چوک ہندال کے قریب سے گزر رہا تھا کہ اس دوران سڑک کراس کرنے والی خاتون حنیفاں بی بی اس کی ٹکر سے دور جا گری اور شدید زخمی ہو گئی جسے طبی امداد کیلئے ہسپتال لے جایا جا رہا تھا کہ وہ راستے میں دم توڑ گئی ،بنتایا گیا ہے کہ مرنے والی خاتون کو ٹ مہتاب خاں کی رہائشی ہے ۔