کوہلو (آئی این پی ) کوہلو میں پولنگ سٹیشن کی چھت گرنے سے دو ایف سی اہلکاروں سمیت چار افراد زخمی ہو گئے ، کمرے کو صاف کرنے کے بعد پولنگ کا عمل دوبارہ سے شروع کیا گیا ۔ بدھ کو بلوچستان کے حلقہ پی بی 9 کوہلو کے تمبو نامی علاقے میں واقع پولنگ سٹیشن کی چھت گر گئی۔چھت گرنے سے دو ایف سی اہلکار اور دو ایجنٹ زخمی ہوئے۔زخمیوں کو ڈی ایچ کیو منتقل کر دیا گیا ۔واقعہ سے پولنگ کا عمل بھی کچھ دیر کے لیے رک گیا جب کہ کمرے کو صاف کرنے کے بعد پولنگ کا عمل دوبارہ سے شروع کیا گیا ۔