گوجرانوالہ: ووٹر نے بیلٹ پیپر کے ساتھ وزیراعظم کے نام 2 پرچیاں بھی ڈال دیں

گوجرانوالہ (نمائندہ خصوصی) ووٹر نے ووٹ کاسٹ کرنے کے دوران بیلٹ پیپر کے ساتھ سابق وزیراعظم میاں نواز شریف کو پیغام کے طور پر نبی پاکﷺ کی شان کو مدنظر رکھنے اور ووٹ شیر کو دینے کی پرچیاں بھی بیلٹ بکس میں ڈال دیں۔ تفصیلات کے مطابق پی پی 56 میں مسلم لیگ ن کی طرف سے نامزد امیدوار تو فیق بٹ کو ووٹ دینے والے نامعلوم ووٹر نے بیلٹ بکس میں بیلٹ پیپر ڈالنے کے ساتھ دو پرچیاں بھی ڈالیں۔ ان پرچیوں پر تحریر تھا کہ میاں صاحب آج کے بعد نبی پاکﷺ کی شان کو سامنے رکھنا ورنہ اس سے زیادہ ذلت ہوگی جبکہ دوسری پرچی پر لکھا تھا کہ اس بار ووٹ آپ کا، دوبارہ ایسا کیا تو کبھی نہیں جیتو گے۔