عمران خان بطور سچے سفیر اور دلیر وکیل ہر سطح خاص طور پرعالمی فورمز پر کشمیریوں کا مقدمہ مثالی انداز سے پیش کرکے انکے دل جیت چکے ہیں: فرخ حبیب

وزیر مملکت اطلاعات ونشریات فرخ حبیب نے کہاہے کہ کشمیر کے عوام نے انتخابات میں اپنے سچے سفیر اور دلیر وکیل کے حق میں فیصلہ سنا دیا ہے، وزیراعظم عمران خان بطور سچے سفیر اور دلیر وکیل ہر سطح خاص طور پرعالمی فورمز پر کشمیریوں کا مقدمہ مثالی انداز سے پیش کرکے انکے دل جیت چکے ہیں،کشمیر کی عوام نے آرا یس ایس کی انتہا پسندانہ سوچ کیخلاف بات نہ کرنے والی ن لیگ کو فل سٹاپ لگادیا ہے،مریم صفدر اورمودی کے یاروں کی شکست واضح ہوگئی ، اب ان لوگوں نے کھسیانی بلی بن کر کھمبا نوچنا شروع کردیاہے۔ اتوار کو اپنے ٹویٹس میں فرخ حبیب نے کہاکہ گلگت بلتستان کی طرح کشمیر میں مودی کے یاروں، کرپشن، منی لانڈرنگ، جعلی اکانٹس اور سرٹیفائیڈ جھوٹوں کو بدترین شکست ہوگئی، وزیراعظم عمران خان بطور سچے سفیر اور دلیر وکیل ہر سطح خاص طور پرعالمی فورمز پر کشمیریوں کا مقدمہ مثالی انداز سے پیش کرکے انکے دل جیت چکے ہیں۔انہوں نے کہاکہ مریم صفدر اورمودی کے یاروں کی شکست واضح ہوگئی آپ نے کھسیانی بلی بن کر کھمبا نوچنا شروع کردیاہے۔کشمیر کی عوام نے آرا یس ایس کی انتہا پسندانہ سوچ کیخلاف بات نہ کرنے والی ن لیگ کو فل سٹاپ لگادیا ہے۔کشمیر کی عوام نے اپنے سچے سفیر اور دلیر وکیل کے حق میں فیصلہ سنا دیا ہے۔ فرخ حبیب نے اپنے ایک اورٹویٹ میں کہاکہ آزاد جموں کشمیر میں الیکشن پر امن و امان برقرار رکھنے کے لئے ڈیوٹی پر مامور فوجی جوانوں کی گاڑی کو حادثہ پیش آنے سے شہیدہونے والے فوجی جوانوں کے بلند درجات اور زخمیوں کی جلد صحت یابی کے لئے دعاگو ہوں۔انہوں نے کہاکہ پاک فوج نے ہمیشہ ملک میں امن و امان قائم رکھنے کے لئے قربانیاں دی ہے۔