زرداری کی سالگرہ آج منائی جائے گی

لاہور+اسلام آباد(نامہ نگار+نمائندہ نوائے وقت) سابق صدر اورپاکستان پیپلز پارٹی پارلیمنٹیرینز کے صدر آ صف علی زرداری کی آج 26جولائی پیر کو66ویں سالگرہ ہے۔اس موقع پر پیپلز پارٹی کے زیر اہتمام ملک بھر میں سالگرہ کی تقریبات منعقد اور کیک کاٹے جائیں گے ۔صوبائی دارالحکومت لاہور میںپیپلز پارٹی وسطی پنجاب کے صوبائی سیکرٹریٹ 158سی ماڈل ٹاؤن لاہور میں شام5بجے خصوصی تقریب منعقدہو گی ۔ جس میں پیپلزپارٹی وسطی پنجاب کے سینئر نائب صدر چوہدری اسلم گل پارٹی کے دیگر رہنماؤں کے ساتھ کیک کاٹیں گے۔آصف علی زرداری 26جولائی1955 کو کراچی میں پیدا ہوئے اور 18دسمبر1987 کو بے نظیربھٹو سے رشتہ ازدواج میںمنسلک ہوئے تھے سابق صدر آصف علی زرداری کا ایک بیٹا بلاول بھٹوزرادری اور دوبیٹیاں بختاور اور فاطمہ ہیں۔