لاہور (نوائے وقت رپورٹ) مسلم لیگ (ن) کے صدر شہباز شریف نے کہا ہے کہ مسلم لیگ (ن) کے کارکنوں نے آزاد کشمیر کے الیکشن میں جس جذبے کا مظاہرہ کیا وہ لائق تحسین ہے۔ کارکنان کا جوش و خروش دیکھ کر شک نہیں کہ فتح شیر کی ہوگی۔ تمام دن انتخابی ضابطوں کی دھجیاں اڑائی گئیں۔ قوم کو یہ مناظر یاد رہیں گے۔ آج کے دن کی فتح کشمیر کے عوام اور مخلص کارکنوں کے نام کرتے ہیں۔ فائرنگ سے جاں بحق سیاسی کارکنان کے لواحقین سے تعزیت کرتے ہیں۔