لاہور :رستم پاک و ہندعباس پہلوان ملتانی انتقال کر گئے

لاہور (سپورٹس رپورٹر)پاکستان  کے سینئر ترین  شہہ زورعباس پہلوان ملتانی انتقال کر گئے۔ عباس پہلوان رستم ہانگ کانگ،  رستم ملتان، رستم پاک وہند، نیشنل میٹ ریسلنگ چیمپئن رہے۔مرحوم گردوں کے عارضہ میں مبتلا تھے۔عباس پہلوان نے پاکستان کے نامور پہلوانوں سے کشتیاں لڑیں، عباس پہلوان نے راجو راکٹ پہلوان، محمد افضل لون المعروف گوگا پہلوان، زبیر لون المعروف جھارا پہلوان ‘اکرام پہلوان، سیفل دادپوترہ پہلوان، صادق پہلوان، ماجھا پہلوان، صدیق پہلوان، لال شاہ پہلوان، سیف جٹ پہلوان،دتہ جٹ پہلوان، شفیع پہلوان گگو والہ اور انور نڑو پہلوان گوجرانوالیہ مرحوم کے ساتھ یاد گار کشتیاں لڑیں۔