گوجرانوالہ (نمائندہ خصوصی)ریجنل پٹرولنگ آفس گوجرانوالہ میں کانسٹیبل سے ہیڈ کانسٹیبل کے عہدہ پر ترقی پانے والے پولیس اہلکاروں کو پروموشن بیجز لگانے کی تقریب ،ایس ایس پی پٹرولنگ محمد وسیم ڈار نے کانسٹیبل سے ہیڈکانسٹیبل پروموٹ ہونے والے 12 پولیس اہلکاروں کو ترقی کے بیجز لگائے اور ان کیلئے نیک خواہشات کا اظہار کیا۔ترقی پانے والوں میں گوجرانوالہ سے ایاز احمد باجوہ ، اعجاز گوندل،راناوکیل الرحمان، مقرب شاہ اور غلام دستگیر خان سیالکوٹ سے عثمان رضا،محمد عمران، سہیل احمد،ساجد محمود، ہارون قبوس اورمحمد عدنان جبکہ گجرات سے فیصل نوید شامل ہیں۔ ایس ایس پی پٹرولنگ محمد وسیم ڈار نے ترقی پانے والے پولیس اہلکاروں کو مبارکباد دی اور کہا کہ اپنی ذمہ داریوں کو نہایت ایمانداری اور خوش اسلوبی کیساتھ سر انجام دیں۔علاوہ ازیں لوگوں سے اچھے اخلاق سے پیش آئیں۔ہیڈ کانسٹیبل محکمہ پولیس کا انتہائی اہم رینک ہے انہوں نے امید ظاہر کی کہ ترقی پانے والے اہلکاران بہترین صلاحیتوں کا مظاہرہ کرکے شہریوں کیلئے آسانیاں پیدا کریں گے۔