گوجرانوالہ: سینئر آڈیٹر محمد ارشدقریشی کے اعزاز میں الوداعی تقریب

گوجرانوالہ (نمائندہ خصوصی)ڈسٹرکٹ اکائونٹس آفیسر گوجرانوالہ راناثنا ء اللہ خان کی آمد اور سینئر آڈیٹر محمد ارشدقریشی کی ریٹائرمنٹ کے اعزاز میں ایک تقریب کا اہتمام کیا گیا جس میں ڈسٹرکٹ آکائونٹس آفیسر (ii ) بابرعلی بھٹی ‘ صدر ایسوسی ایشن میاں محمدندیم اختر‘  جنرل سیکرٹری عطاء المصطفیٰ سلیم ‘نثاراحمد قادری‘ ذوالفقار علی ‘ رانا محمداسلم ‘ غلام فاروق‘ سہیل اکرام بٹ ‘ عاطف چٹھہ ‘صاحبزادہ محمدآصف عباسی اور دیگر افسران و اہلکاران نے تقریب میںشر کت۔ مقررین نے رانا ثنا ء اللہ کو ڈسٹرکٹ اکائونٹس آفیسر گوجرانوالہ کاعہدہ سنبھالنے پر مبارکباد پیش کی اور نیک تمنائوں کا اظہارکیا۔ انہوںنے کہا کہ سینئر آڈیٹر محمد ارشد قریشی نے  اپنی پوری سروس میں ایمانداری اور دیانتداری سے کام کیا ہے تمام افسران اور اہلکاران نے ان کی خدمات کو سراہتے ہو ئے خراج تحسین پیش کیا ۔ مقررین نے کہا کہ جو سرکاری ملازم سروس میں آتا ہے آخر  ایک دن مدت ملازمت پوری کرکے ریٹائر ہونا ہو تاہے یہ اللہ تعالی کا بڑا فضل و کرم ہے جو ملازم اپنی مدت ملازمت بطریق احسن پوری کر ے۔ تقریب کے آخر میں ریٹائر ہونے والے  سینئر آڈیٹر محمد ارشد قریشی کو پھولوں کے ہار پہنائے گئے اور تحائف پیش کئے۔