پنڈوریاں، گھر کے تالے توڑ کر چور نقدی، زیورات اورقیمتی کاغذات لے گئے

اسلام آباد (اپنے سٹاف رپورٹر سے)ڈکیتی ، چوری کی وارداتوں میں شہری لٹ گئے تھانہ کھنہ کو محمد عمران ستی نے بتایا کہ پنڈوریاں میں میرے گھر کے تالے توڑ کر30 ہزار روپے کی نقدی ، دو طلائی کانوں کی بالیاں ، دو طلائی انگوٹھیاں ، نیشنل سیونگ کے کاغذات اور کار کی مکمل فائل چوری کرلئے گئے تھانہ سبزی منڈی کو محمد احسن نے بتایا کہ آئی ٹین فور میں دو موٹر سائیکل سوار لڑکوں نے مجھ سے سات ہزار روپے ، اوپو موبائل فون ، شناختی کارڈ کار کا سمارٹ رجسٹریشن کارڈ چھین کر فرار ہوگئے تھانہ کورال کو ہمایوں سجاد نے بتایا کہ غوری ٹائون سے میری کرولا کار ، اشفاق علی نے بتایا کہ غوری ٹائون سے میری کرولا کار اور غلام مصطفی نے بتایا کہ مدینہ ٹائون سے میری ٹو ڈی کرولا کار چوری ہوگئیں تھانہ آبپارہ کو رومیل مشتاق نے بتایا کہ جی سیون ٹو سے میرا موٹر سائیکل ،زاہد احمد نے بتایا کہ جی سکس ون میں میرا موٹر سائیکل ،تھانہ رمنا کو امتیاز احمد نے بتایا کہ جی الیون تھری میں میرا موٹر سائیکل ، احمد بلال بدر نے بتایا کہ جی الیون فور میں میرا موٹر سائیکل، تھانہ نون کو شعیب رانا نے بتایا کہ سیکٹرI 14/4 میں گھر کے باہر سے میرا موٹر سائیکل،تھانہ آئی نائن کو وسیم انور نے بتایا کہ ایچ نائن بازار سے میرا موٹر سائیکل چوری ہوگیا ۔