پی ایچ اے کے زیراہتمام 13 پارکنگ سٹینڈز اور 10 کینٹینز کی نیلامی

ملتان (خبرنگار خصوصی)پی ایچ اے ملتان کے زیر اہتمام 13پارکنگ سٹینڈز اور 10کینٹینز کی کامیاب نیلامی کا انعقاد ہوا۔ڈی جی پی ایچ اے ملتان سید شفقت رضا کی زیر نگرانی بولی میں شرکاء کی بڑی تعداد نے شرکت کی۔ڈائریکٹر ایڈمن اینڈ فنانس پی ایچ اے چوہدری غلام نبی،ڈائریکٹر ہارٹیکلچر سعد قریشی،ڈپٹی ڈائریکٹر مارکیٹنگ حافظ اْسامہ،ڈپٹی ڈائریکٹر ایڈمن جاوید عارف اور ہاؤسنگ اور فنانس ڈیپارٹمنٹ جنوبی پنجاب کے نمائندوں نے شر کت کی۔شاہ شمس پارک کا پارکنگ اسٹینڈ 2لاکھ 97ہزار،جناح پارک ڈھائی لاکھ،جلال مسجد 60ہزار،امیر آباد پارک کا 34ہزار ماہانہ میں نیلام ہوا سرکٹ ہاؤس پارک،گیلانی پارک اور باغ لانگے خان کی بھی کامیاب بولی ہوئی۔پارکوں کی کینٹینز میں آرٹس کونسل 40ہزار،لینئر پارک 18500،امیر آباد 34ہزار،زکریا پارک 2لاکھ اور عام خاص باغ 16ہزار کامیاب نیلامی ہوئی۔ڈوگر پارک،پرویز الٰہی پارک  اور عام خاص باغ کی کینٹینز کی نیلامی بھی سرکاری بولی سے کئی گناہ  بڑھ کر ہوئی۔