کراچی میں مون سون کے تیسرے اسپیل کے تحت شہر بھر میں تیز موسلادھار بارشوں کا سلسلہ وقفے وقفے سے جاری ہے۔
محکمہ موسمیات نے بتایا ہے کہ گزشتہ روز 58 ملی میٹر بارش ریکارڈ کی گئی ہے جبکہ آج بھی شہر بھر میں وقفے وقفے سے گرج چمک کے ساتھ بار کا امکان ہے۔اس حوالے سے چیف میٹرولوجسٹ سردار سرفراز کا کہنا ہے کہ کراچی میں بارشوں کا یہ سلسلہ 27 جولائی تک جاری رہ سکتا ہے۔شہر میں مون سون بارشوں سے متاثرہ علاقوں میں پاک فوج سمیت ریسکیو ٹیموں کی امدادی سرگرمیاں بھی جاری ہیں ۔متاثرہ علاقوں سے پانی کی نکاسی کا عمل جاری ہے جبکہ پانی میں پھنسی گاڑیوں اور افراد کی بھی مدد کی جا ری ہے۔