لاہور(سپورٹس رپورٹر) حمادہادی خان نے ورلڈ سکریبل چیمپئن شپ کی ڈائمنڈ کیٹیگری جیت لی۔امریکی شہر لاس ویگاس میں ہونیوالی چیمپئن شپ کی ڈائمنڈ کیٹیگری میں پاکستانی کھلاڑی حماد نے 24 میں سے 21 گیمزجیتیں، حماد ہادی خان کا سپریڈ سکور 1854 رہا۔واضح رہے کہ حمادہادی خان نے تیسری بارورلڈ ٹائٹل جیتا ہے ،2017 ء میں تھائی لینڈ پرنسس کپ اور2018 ء میں انگلینڈ میں ورلڈ سکریبل چیمپئن شپ کی اوپن کیٹیگری بھی جیت چکے ہیں۔پاکستان کے محمد عنایت اللہ نے اوپن کیٹیگری میں تیسری پوزیشن حاصل کی، ورلڈ سکریبل چیمپئن شپ میں دنیا کے 200 سے زائد ٹاپ کھلاڑی حصہ لے رہے ہیں۔