لاہور(نامہ نگار)ٹریفک وارڈن نے لوئر مال کے علاقے میں موٹرسائیکل چوری کرنے والے ملزم کو گرفتارکر لیا ہے ۔ علی رضا نامی ملزم نے بارش میں کھڑی شہری کی موٹرسائیکل چوری کرکے فرار ہونے کی کوشش کی۔شہری کے شور مچانے پر پٹرولنگ آفیسر خرم نے تعاقب کرکے اسے پکڑ لیا۔برآمد ہونے والی موٹرسائیکل اور چور دونوں کو تھانہ لوئر مال پولیس کے حوالے کردیا گیا ہے۔سی ٹی او لاہورمستنصر فیروز نے پٹرولنگ آفیسر خرم اور ساتھی وارڈن رمضان کو شاباش دی ۔