لاہور(نامہ نگار)جوہر ٹاؤن پولیس نے شیشہ کیفے پر چھاپہ مار کر 8 ملزمان کو گرفتارکر لیا ہے ۔ جوہر ٹاؤن  پولیس نے خفیہ اطلاع پر کارروائی کرتے ہوئے جوہر ٹاؤن ایف بلاک میں واقع ایک کیفے میں چھاپہ مار کر شیشہ پیتے ہوئے ارسلان ،وقار ،علی حسن ،وحید، محمد حنان، طارق، عطا اللہ اور بلال خان کو گرفتار کرلیا۔ ملزموں کے قبضے سے 3 حقہ شیشہ، 3 ڈبے شیشہ فلیور اور 6کوئلے کے ڈبے برآمدکر کے ان کیخلاف مقدمہ درج کر کے ملزمان کو انویسٹی گیشن ونگ کے حوالے کر دیا ہے ۔