لاہور(سپورٹس رپورٹر)ایشین گیمز 2023 ء کے سلسلے میں اتھلیٹکس کے مختلف ایونٹس کیلئے 19 کھلاڑیوں کی فہرست تیار کرلی گئی ہے۔  پاکستان اولمپک ایسوسی ایشین نے ڈپارٹمنٹس کی مشاورت سے فہرست تیار کی، اتھلیٹکس فیڈریشن کی معطلی کی وجہ سے اس سے رابطہ نہیں کیا گیا۔ جیولن تھرو کے کامن ویلتھ گیمز گولڈ میڈلسٹ ارشد ندیم کا نام فہرست میں شامل ہے۔ ارشد ندیم کی شرکت ایشین گیمز کے وقت ان کی فٹنس سے مشروط ہوگی۔جیولن تھرو کے کھلاڑی محمد یاسر کا نام بھی 19 کھلاڑیوں کی فہرست میں شامل ہے۔ پول والٹ کے جعفر اشرف، لانگ جمپ کے محمد افضل اور محمد اختر بھی فہرست میں شامل ہیں۔