لاہور(سپورٹس رپورٹر)افغانستان نے پاکستان کیخلاف    ون ڈے سیریز کیلئے پاکستان کی میزبانی سری لنکا میں کرنے کا فیصلہ کرلیا ہے۔ افغانستان کرکٹ بورڈ کی سری لنکا کرکٹ اور پاکستان کرکٹ بورڈ سے مشاورت شروع ہوگئی ہے، افغانستان کرکٹ بورڈ جلد سیریز کے شیڈول کا اعلان کر دیگا۔ذرائع کے مطابق افغانستان نے پاکستان کی میزبانی سری لنکا میں کرنے کا فیصلہ کیا ہے جس کیلئے 3  ون ڈے میچز کی سیریز ہمبنٹوٹا میں کھیلے جانے کا امکان ہے۔افغانستان نے اگست کے تیسرے ہفتے 3 ون ڈے میچزمیں پاکستان کی میزبانی کرنا ہے۔