کامونکی:ڈکیتی و چوری کی وارداتیں،شہری نقدی،موٹرسائیکلوں سے محروم

کامونکی(نمائندہ خصوصی)ڈکیتی و چوری کی مختلف وارداتوں میں شہریوں سے ہزاروں روپے نقدی،موٹرسائیکلیں و دیگر سامان لوٹ لیا گیا ۔ بتایا گیا ہے کہ نواحی گاؤں گونا عور کا علی رضا موٹر سائیکل پر کامونکی سے واپس جارہا تھا کہ جی ٹی روڈ جوڈیشل کمپلیکس کے قریب دو ڈاکوؤں نے اْسے روک لیا اوراْنیس ہزارروپے اور موبائل فون چھین کر لے گئے۔ جبکہ ٹبہ محمد نگر کے مختار کا بیٹا جی ٹی روڈ بھولا پیر بس سٹاپ پر کھڑا مہمانوں کا انتظار کررہا تھا کہ اس دوران موٹر سائیکل سوار دو ڈاکو اْس سے نقدی اورموبائل فون چھین کر لے گئے جبکہ گذشتہ روز محلہ اولکھ آباد کا فیاض احمد محلہ رضا آباد میں مسجد کے باہر موٹر سائیکل کھڑی کرکے اندر نماز ادا کرنے گیا تو چور اْسکی عدم موجودگی میں موٹر سائیکل چوری کرکے لے گئے۔رفیع اللہ نوجوان لیڈی پارک کے باہر موٹر سائیکل کھڑی کرکے اندر گیا تو چور موٹر سائیکل لے گئے۔جبکہ محلہ ماتارانی کے عثمان کی موٹر سائیکل بھی چور گھر کے باہر سے چوری کرکے لے گئے۔پولیس نے مقدمات درج کرلیے ۔