شاہنواز دھانی انجری کا شکار ‘ پاکستان شاہینز کے دوسرے ٹور میچ سے باہر 

لاہور(سپورٹس رپورٹر)قومی ٹیم کے فاسٹ بولر شاہنواز دھانی ایک مرتبہ پھر انجری کا شکار ہوکر پاکستان شاہینز کے دوسرے ٹور میچ سے باہر ہوگئے،پاکستان کرکٹ بورڈ کے اعلامیہ میں کہا گیا ہے کہ فاسٹ بائولر شاہنواز دھانی کمر کی تکلیف کے سبب پاکستان شاہینز کے ڈارون ٹور سے باہر ہوگئے ہیں،فاسٹ بائولر بنگلادیش اے کے خلاف شروع ہونے والے دوسرے چار روزہ میچ اور ڈارون ٹور کے وائٹ بال مرحلے میں حصہ نہیں لے پائیں گے، 25سالہ شاہنواز دھانی فوری طور پر پاکستان واپس آئیں گے۔سپن بائولنگ آل رائونڈر مبصر خان کو شاہنواز دھانی کے متبادل کے طور پر سکواڈ کا حصہ بنالیا گیا ہے۔