کراچی (نوائے وقت رپورٹ) کراچی کے علاقے ڈیفنس میں دو گروپوں میں فائرنگ سے تین افراد ہلاک ہو گئے۔ ایڈیشنل آئی جی کے مطابق واقعہ میں تین افراد زخمی ہوئے۔ جھگڑا گاڑیاں ٹکرانے پر ہوا یا کوئی دشمنی ہے۔ تحقیقات کر رہے ہیں، وزیر داخلہ سندھ نے ایڈیشنل آئی جی کراچی سے تفصیلات طلب کر لیں۔ فائرنگ سے ہلاکتوں کی تعداد 5 ہو گئی، جاں بحق اور زخمیوں کا تعلق بگٹی قبیلے سے تھا۔ فائرنگ کا واقعہ بگٹی قبیلے کی دو شاخوں کے درمیان پیش آیا، مرنے والوں میں میر عیسیٰ بگٹی، فہد بگٹی اور علی بگٹی شامل ہیں۔