کنسٹریشن سائٹ پر کام کرنے والوں اورمقامی لوگوں کاآپس میں جھگڑا 

 مری(نمائندہ خصوصی)احاطہ نور خان مری میں کنسٹریشن سائٹ پر کام کرنے والوں اورمقامی لوگوں کاآپس میں جھگڑا ہوگیا،لڑائی کے دوران فائرنگ کی گئی اورخنجر استعمال ہوئے جسکے نتیجے میں گولی لگنے سے ایک شخص سمیت تین افراد 28 سالہ وقار حسین، 24 سالہ منوراور28 سالہ محمدنثار ززخمی ہوگئے واقعہ کی اطلاع ملتے ہی ریسکیو1122 مری کی امدادی ٹیم ایمبولینس لیکر موقع پر پہنچ گئی،مری پولیس بھی موقع پر پہنچ گئی جن کی موجودگی میں زخمیوں کو ابتدائی طبی امداددینے کے تحصیل ہیڈکواٹر ہسپتال مری منتقل کردیا گیا اورواقعے کی اطلاع متعلقہ تھانہ اور سینٹرل کنٹرول روم کو کر دی گئی،بعدازاں احاطہ نورخان کے رہائشیوں نے فائرنگ کرنے پراورمقدمہ درج نہ کرنے پر پولیس اورتعمیرات کرنے والوں کیخلاف ڈاکخانہ چوک مال روڈ مری پر احتجاجی مظاہرہ بھی کیا۔