کوٹ ڈیجی خیرپورمیں حادثے کا شکار ہونے والے نو زخمیوں کی حالت نازک بتائی جاتی ہے۔ حادثہ رانی پور سے سکھرجانے والی مسافر وین کا ٹائی راڈ ٹوٹنے اورمخالف سمت سے آنے والے ٹرک سے تصادم کے نتیجے میں ہوا ۔ جاں بحق ہونے والوں میں مسمات رشیدہ کلہوڑو،خاتون بی بی، چھ ماہ کا بچہ سچل،زاہد اورمحمد اسلم ملاح شامل ہیں ۔ زخمیوں میں محبوب شاہ، عبداللطیف گوندل، مسمات اربیلی، مسمات صومل مسمات راشدہ، روشن عباسی، نہال خان اور دیگر شامل ہیں۔ واقعہ کی اطلاع پر پولیس اورقرب وجوارکے لوگوں نے لاشوں اورزخمیوں کوسول ہسپتال خیرپورپہنچایا۔ہسپتال میں ایمرجنسی لگا کرتمام ڈاکٹروں کوڈیوٹی پرطلب کرلیاگیا۔