اسلامی سربراہ کانفرنس نومبر میں پاکستان میں ہوگی ‘صدر کو سعودی عرب میں ڈپٹی سیکرٹری جنرل او آئی سی نے بریفنگ دی

اسلام آباد (جاوید صدیق) اسلامی سربراہ کانفرنس اس سال نومبر میں پاکستان میں منعقد ہو گی جس میں عالم اسلام کو درپیش مسائل اور چیلنجوں پر غور ہو گا اور ان سے نمٹنے کے لئے حکمت عملی طے کی جائے گی۔ نوائے وقت کو قابل اعتماد سفارتی ذرائع نے بتایا صدر ممنون حسین کو سعودی عرب میں او آئی سی کے ڈپٹی سیکرٹری جنرل نے پاکستان میں مجوزہ اسلامی سربراہ کانفرنس کے بارے میں بریفنگ دی۔ پاکستان اس سے قبل 1974ءمیں لاہور میں اسلامی سربراہ کانفرنس کی میزبانی کر چکا ہے۔ توقع کی جا رہی ہے کہ عالم اسلام کے ممتاز رہنما‘ سربراہان مملکت کانفرنس میں شرکت کرینگے۔
سربراہ کانفرنس