راولپنڈی+ میر پور خاص (نوائے وقت رپورٹ+ صباح نیوز) آئی ایس پی آر کے مطابق آپریشن ردالفساد کے تحت پنجاب رینجرز نے ڈی جی خان کے علاقے چبری بالا میں آپریشن کیا اور دو دہشتگردوں کو گرفتار کر لیا دہشتگردوں سے زیر زمین چھپایا اسلحہ اور بارود برآمد کر لیا۔ علاوہ ازیں پاکستان رینجرزسندھ نے اندرون سندھ میرپور خاص کے علاقے ڈی سی او چوک، ڈی آئی جی آفس کے قریب اسنیپ چیکنگ کے دوران انتہائی مطلوب ملزم ذیشان علی جسکانی کو گرفتار کر لیا۔ترجمان رینجرز کے مطابق کے خلاف جرائم کی متعدد ایف آئی آرز درج ہیں جن میں بھتہ خوری، اقدامِ قتل، زمینوں پر قبضہ، خوف و ہراس پھیلانا، جلائو گھیرائو اور توڑ پھوڑ سمیت متعدد جرائم کی دفعات شامل ہیں۔ملزم کے قبضے سے اسلحہ بھی برآمد کیا گیا ۔