گوجرانوالہ، لاہور (نمائندہ خصوصی+ نوائے وقت رپورٹ) سی ٹی ڈی نے مختلف شہروں میں کارروائیاں کرکے کالعدم تنظیموں کے 6 دہشتگردوں کو گرفتار کر لیا ہے۔ سی ٹی ڈی نے چھاپہ مار کارروائی کے دوران تین مبینہ دہشت گردوں کو حراست میں لیکر انکے قبضہ سے دھماکہ خیز مواد برآمد کر لیا، بتایا گیا ہے کہ سی ٹی ڈی نے مخبر کی اطلاع پر سیٹلائٹ ٹائون کے ایریا میں چھاپہ مار کارروائی کی۔ اس دوران انہوں نے حساس تنصیبات کو نشانہ بنانے میں مصروف کالعدم تنظیم تحریک طالبان کے تین مبینہ دہشت گردوں شمس الزمان، نعیم اور اشرف کو حراست میں لے لیا، جن کے قبضہ سے دھماکہ خیز مواد، ڈیٹونیٹرز، رسید بکس اور نفرت انگیز مواد برآمد ہوا ہے۔ سی ٹی ڈی نے کارروائی کرکے 3 دہشتگردوں کو گرفتار کر لیا ایک دہشتگرد کو بہاولنگر جبکہ 2 کو خوشاب سے گرفتار کیا گیا۔ بہاولنگر سے گرفتار دہشتگرد عمر خورشید کا تعلق کالعدم ٹی ٹی پی سے ہے۔ خوشاب سے گرفتار دہشتگرد کبیر اور لطیف کا تعلق جیش محمد سے ہے۔