نظریۂ پاکستان ٹرسٹ کے زیراہتمام نظریاتی سمر سکول کے 19ویں سالانہ تعلیمی سیشن کاگیارہواںروز

لاہور (نیوزرپورٹر) نظریۂ پاکستان ٹرسٹ کے زیراہتمام موسمِ گرما کی تعطیلات میں طلبا کی نظریاتی ، تعلیمی و اخلاقی استعدادِکار میں اضافہ کی غرض سے ایوان کارکنان تحریک پاکستان‘ میں جاری منفرد پروگرام نظریاتی سمر سکول کے 19ویں سالانہ تعلیمی سیشن کے گیارہویں روز معروف ٹی وی ڈرامہ’’ عینک والا جن‘‘ کے کردار حسیب پاشا(ہامون جادوگر) نے اپنی ٹیم کے ہمراہ طلبا و طالبات کو اپنے فن سے محفوظ کیا ۔اس موقع پر بچوں نے شاندارپرفارمنس پرانہیں دل کھول کر دادبھی دی۔ علاوہ ازیں نظریاتی سمر سکول کے طلبا وطالبات نے عاشق رسولؐ غازی علم الدین شہیدؒ ، تحریک پاکستان کے اولین شہید محمد مالک شہیدؒاور پاک فوج کے مایہ ناز سپوت میجر شبیر شریف شہیدؒ کے مزارات پر حاضری دی ، پھول چڑھائے اور فاتحہ خوانی کی۔ نظریاتی سمر سکول کا ماٹو ’’پاکستان سے پیار کرو‘‘ہے ۔ سکول کا اہتمام نظریۂ پاکستان ٹرسٹ نے تحریک پاکستان ورکرز ٹرسٹ کے اشتراک سے کیا ہے۔