گوجرانوالہ( نمائندہ خصوصی)مسلم لیگ ن سٹی کے صدر سلمان خالد پومی بٹ، سینئر نائب صدور شیخ ثروت اکرام، شعیب بٹ، نائب صدر جمشید ایوب بٹ، سیکرٹری اطلاعات عامر اکرام بٹ، لیبر ممبر کارپوریشن ناصر محمود کھوکھر نے کہا ہے گوجرانوالہ میں مسلم لیگی ورکروں کا اغواء قابل مذمت ہے سادہ کپڑوں اور پولیس وردیوں میں ملبوس افراد لیگی کارکنوں کے گھروں میں دروازے توڑ کرداخل ہوئے اور چادر چار دیواری کا تقدس پامال کرتے ہوئے توڑ پھوڑ بھی کی ۔لیگی کارکنوں اویس ڈار اور ملک آصف کا اغواء تشویشناک ہے۔ لیگی رہنماؤں نے کہا لاپتہ ہونیوالے لیگی کارکنوں کو فوری بازیاب کرایا جائے ورنہ مسلم لیگ ن اور عوام کا شدید رد عمل سامنے آئیگا ۔