کراچی (وقائع نگار)چنیسر ہالٹ کے نزدیک کراچی ریلوے کا اہم انسداد تجاوزات آپریشن جاری ،کراچی ریلوے نے انسداد تجاوزات آپریشن جاری رکھتے ہوئے چنیسر ہالٹ کے نزدیک کامیاب آپریشن کرکے  10,000 مربع فٹ زمین پر پھیلے ہوئے 20 پکے گھر مکمل مسمار کردیئے گئے ہیں ،آپریشن مظاہرین کے پتھراو اور فائرنگ کے باوجود جاری رہا جس کے نتیجے میں کراچی ریلوے کے تین پولیس اہلکار زخمی ہوئے، آپریشن کراچی ریلوے اور ضلعی انتظامیہ نے مشترکہ طور پر کیا۔ واگزار کروائی گئے زمین مین لائن 1 کے رائٹ آف وے پر ہے،ڈی ایس کراچی ریلوے محمد حنیف گل نے کامیاب آپریشن پر افسران اور اسٹاف کو مبارکباد دی ہے اور فائرنگ کرنے والوں پر مقدمہ درج کروانے کے احکامات بھی جاری کیے ہیں۔