لاہور(سپورٹس رپورٹر) پنجاب ہاکی ایسوسی ایشن کی جانب سے مردوں اور خواتین ہاکی کے فروغ کیلئے بھر پور پروگرام کا اعلان کر دیا ۔ پنجاب کی ٹیم ستمبر میں قازقستان‘ ازبکستان اور کرغیزستان کا دورہ کرے گی۔سیکرٹری پنجاب ہاکی ایسو سی ایشن کرنل آصف نے کہا کہ آئندہ کیلنڈر ایونٹ پرگرام میں پنجاب کی سطح پر ٹورنامنٹس‘ کوچنگ کیمپس اور ٹیلنٹ ہنٹ پروگرام کریں گے۔ ہمارا ٹارگٹ ہاکی کا کھویا مقام حاصل کرنا ہے۔ کیلنڈر ایونٹس اخراجات کے لئے ایونٹ مینجمنٹ گروپ سیفران سے معاہدہ کیا ہے۔معاہدہ چار سال تک  رینیو ہو سکے گا۔مردوں کے ساتھ ساتھ خواتین ہاکی کو بھی پروموٹ کریں گے۔  شہزاد رشید سی ای او ایونٹ مینجمنٹ نے کہا کہ کرکٹ کو کئی لوگ سپورٹ کرتے ہیں ہم ہاکی کو پروموٹ کرنے آئے ہیں۔پنجاب ہاکی کو تمام ایونٹس کے لئے فندز فراہم کریں گے۔