لاہور (نیوز رپورٹر) نوائے وقت گروپ کے تحت شائع ہونیوالے بچوں کے مقبول میگزین ماہنامہ پھول، فروغ ادب اطفال کیلئے کام کرنیوالی تنظیم اکادمی ادبیات اطفال اور ادیب نگر گروپ کے اشتراک سے عالمی یوم انسداد منشیات کے حوالے سے آج مقابلہ کہانی نویسی کا انعقاد کیا جائیگا۔ نئی نسل کو منشیات کی تباہ کاریوں سے آگاہ کرنے اور نشے کے عادی نوجوانوں کو صحتمند زندگی کیطرف واپس لانے کی ترغیب پر مشتمل پندرہ سو الفاظ تک کہانیاں مصنف کے نام، پتے، فون نمبر اور تعارف کیساتھ 10 جولائی تک ایڈیٹر ماہ نامہ پھول 23 کوئینز روڈ لاہور یا ای میلacademyadbiyateatfal@gmail.com اورshoaibmirza.phool@gmail.comپر بھجوائی جا سکتی ہیں۔ بہترین کہانیوں پر نقد انعامات اور تمام شرکاء کو اسناد دی جائیں گی۔ معیاری کہانیوں کی اشاعت کا اہتمام بھی کیا جائے گا۔