اسلام آباد(نا مہ نگار)کامسیٹس یونیورسٹی اسلام آباد میں روائتی آرٹ پر مبنی تصویری نمائش کا انعقاد کیا گیا ۔ تصویری نمائش میں معروف آرٹسٹ شابانہ نذیر کے فن پاروں کو نمائش کیلئے پیش کیا گیا۔ نمائش کا افتتاح ریکٹر کامسیٹس یونیورسٹی اسلام آباد پروفیسر ڈاکٹر محمد تبسم افضل نے کیا۔افتتاحی تقریب سے خطاب کرتے ہوئے ریکٹر کامسیٹس یونیورسٹی اسلام آباد پروفیسر ڈاکٹر محمد تبسم افضل نے کہا فن کا فروغ ایک صحت مند اور ترقی پسند معاشرے کا عکس ہے، افتتاحی تقریب میں ممتاز آرٹسٹ استاد بشیر احمد ،سابق ایگزیکٹو ڈائریکٹر پاکستان نیشنل کونسل آف آرٹس وبانی ہنر کدہ کالج جمال شاہ اور ایگزیکٹو ڈائریکٹرپاکستان چائنا انسٹیٹیوٹ مصطفی حیدر سید بھی موجود تھے۔