فیروز والہ (نامہ نگار) دھان کی فی ایکڑ پیداوار میں اضافے کے بارے میں آگاہی پروگرام کے سلسلے میں مرکز زراعت کوٹ عبدالمالک کے زیر اہتمام(اٹاری) چوہدری اختر علی چوہان کے زرعی فارم پر تقریب ہوئی جس میں اسسٹنٹ ڈائریکٹر زراعت تحصیل فیروزوالہ ڈاکٹر رانا قربان علی خاں اورزراعت آفیسر مرکز کوٹ عبدالمالک سید شعیب بخاری سمیت دیگر افسران کاشتکاروں اور زمینداروں نے بڑی تعداد میں شرکت کی تقریب سے خطاب کرتے ہوئے اسسٹنٹ ڈائریکٹر زراعت تحصیل فیروزوالہ ڈاکٹر رانا قربان علی خاں نے کہا کہ وزیر اعظم کے زرعی ایمر جنسی پروگرام برائے اضافہ پیداوار دھان پر عمل کرتے ہوئے زمیندار اپنی دھان کی فی ایکڑ پیداوار میں اضافہ کر سکتے ہیں۔