فیروز والہ+کاہنہ( نامہ نگاران) فیروز والہ کے علاقہ ملو کے نزدیک لٹھ بردار پانچ ڈاکوؤں نے زمیندار مشتاق احمد کو لوٹ لیا ‘ مزاحمت پر لاٹھیوں کے وار کر کے شدید زخمی کر دیا ۔ زمیندار موٹرسائیکل پر گاؤں نورے والا جا رہا تھا ‘راستہ میں دو موٹرسائیکلوں پر سوار پانچ ڈاکوؤں نے روک لیا ‘ ایک لاکھ روپے اور موبائل فون چھین لیا اور فرار ہوگئے۔کاہنہ کے علاقہ بدوکی روہی نالہ عقب سینٹرل پارک4 ڈاکوبلا نمبری موٹر سائیکل پر آئے اورگن پوائنٹ پر لوگوںکو لوٹناشروع کردیا ۔ بابر علی  سے 6000 روپے اورموبائل‘ماجد علی سے دو موبائل‘ محمد فاروق سے موبائل اور 6ہزار روپے‘ شفاقت علی سے ایک موٹر سائیکل اور دو موبائل اور ایک پرس جس میں شناختی کارڈ اور سروس کارڈ اے ٹی ایم وغیرہ تھے‘ سلطان علی سے ایک موبائل اور 1800 روپے لے کر فرار ہو گئے۔