مختلف واقعات میں3خواتین  سمیت 7افراد جاں بحق

لاہور(نامہ نگار)صوبائی دارالحکومت لاہور کے مختلف علاقوں میں تین خواتین سمیت سات افرادجاں بحق ہو گئے ہیں۔ ہربنس پورہ پل کے قریب سے 25سالہ نوجوان کی نعش برآمد ہوئی ہے، متوفی نشے کا عادی معلوم ہوتا ہے۔مزنگ میں عابد مارکیٹ کے قریب نامعلوم خاتون فٹ پاتھ کے کنارے مردہ حالت میں پائی گئی ۔ ٹاؤن شپ کے علاقے میں ٹریفک حادثے میں زخمی ہونیوالی 50 سالہ خاتون ہسپتال میں  دم توڑ گئی ۔نواں کوٹ کے علاقے میں سٹی اڈہ سے دو روز قبل بے ہوشی حالت میں ملنے والی 50 سالہ خاتون ہسپتال میں دم توڑ گئی ۔گلشن اقبال کے علاقہ میں سے بے ہوشی حالت میں ملنے والا 62 سالہ شخص ہسپتال میں دم توڑ گیا ۔کوٹ لکھپت  کے علاقے میں شنگھائی برج کے قریب سے نامعلوم شخص کی نعش ملی ہے۔ نو لکھاکے علاقے ایک موریہ پل کے قریب سے نامعلوم شخص فٹ پاتھ کنارے مردہ حالت میں ملاہے۔