کاروباری مراکز سے کروڑوں کی چوریاں کرنیوالا ملزم گرفتار

لاہور(نامہ نگار)کاروباری مراکز سے کروڑوں کی چوریاں کرنے والا چور پولیس کے شکنجے میں آگیا۔سیف سٹی نے دکانوں کے تالے کھول کر قیمتی اشیاء چوری کرنے والا چور گرفتار کروا دیا ہے۔چور انارکلی بازار،ہال روڈ،حفیظ سنٹر ودیگر کاروباری مقامات پر صبح کے اوقات میں چوریاں کرتا  تھا۔چور صرافہ بازار سے 9 لاکھ کیش اور 500 گرام سونا چوری کرکے فرار ہو گیا تھا۔الیکٹرانک مارکیٹ سے 40 لاکھ سے زائد مالیت کے لیپ ٹاپس چوری کیے گئے۔ترجمان سیف سٹیز اتھارٹی کا کہنا تھاکہ چور کیخلاف لاہور کے مختلف تھانوں میں ڈھائی کروڑ مالیت سے زائد چوری کی ایف آرز درج تھیں۔