حضرت عثمان غنیؓ   کونبی اکرمؐ نے جنت میں اپنا رفیق قرار دیا:مولانا امجدخان

لاہور ( خصوصی نامہ نگار )لاہور کے مختلف مقامات پر تقریبات میں حضرت عثمان غنی کے فضائل ومناقب کو بیان کیا گیا اور انکی خدمات پر انہیں زبردست خراج تحسین پیش کیا گیا ۔ ایک تقریب سے خطاب کرتے جے یوآئی کے رہنما مولانا محمد امجد خان نے کہا حضرت عثمان غنی رسول اللہؐ کے بہت قریبی تھے۔حضرت عثمان غنی ؓکے کارنامہ میں ایک بڑا کارنامہ قرآن مجید کا جمع کرنا ہے ۔ نبی پاک صلی اللہ علیہ وسلم نے حضرت عثمان کو جنت میں اپنا رفیق قرار دیا۔آپ کے فضیلت میں یہ بات بہت اہمیت کی حامل ہے کہ حضورؐ  کی دو بیٹیاں حضرت عثمان غنی کے نکاح میں رہیں۔ ان تقریبات سے مولانا زبیر احمد‘صاحبزادہ مولانا محمد میاں، مولانا زاہد خان ودیگر نے خطاب کیا۔